Көек авылында яңа табиб амбулаториясе ачылды

Көектә моңа кадәр кечкенә генә ФАП иде. Халык саны зур булганлыктан, биредә яшәүчеләргә район үзәгенә яки Казанга барырга туры килде. 
Элек халык өчен зур булмаган ФАП медицина ярдәме күрсәтә иде. Әмма ул килүчеләр агымын җиңә алмады, халыкка район үзәгенә яки Казанга барырга туры килде.

- Без бу амбулатория төзелешен күптән көттек, хатлар яздык, сорадык, таләп иттек. Ниһаять, Яңа елга безгә шундый яхшы бүләк ясадылар. Инде эченә кереп карыйсы, анда нәрсәләр булганын күрәсе килә. Элек шәһәрдә тикшерелә идем, хәзер бу амбулаториягә беркетелергә уйлыйм. Мин хәзер тыныч. Әгәр авырып китсәм, квалификацияле медицина ярдәмен өйгә чакыра алам, - дип сөенә Көектә яшәүче Асия Ворожейкина.

Ачылу тантанасында Татарстан Республикасы Президенты Рөстәм Миңнеханов онлайн режимда катнашты. Аның йомгаклау матбугат конференциясе вакытында амбулатория белән видеоэлемтә тоташтырылды. Шулай итеп, ТР сәламәтлек саклау министры Марат Садыйков аңа хастаханәнең әзерлеге турында сөйләде.

- Сез бик зур эш башкардыгыз. Беренчел буын - сәламәтлек саклау системасының мөһим сегменты. Амбулатория профессионаллар белән тәэмин ителергә тиеш. Моннан тыш, бу медицина үзәкләрендә цифрлы технологияләр мөмкинлекләре кулланылырга тиеш, – дип ассызыклады Рөстәм Нургалиевич.

Объект «Сәламәтлек саклау» илкүләм проекты кысаларында төзелгән.