Күз төбендәге кара тапларны ничек тиз генә бетерергә?
Күз төбендә кара таплар арту һәм авыртулар барлыкка килү бөер авырулары билгесе булырга мөмкин.
Һиндстан табибы, диетолог Пуджа Махиджа күз төбендәге кара таплардан тиз генә котылу ысулын атады. Бу хакта РИА Новости яза.
Белгеч әйтүенчә, иртән йокыдан уянуга ук битне салкынча су белән юарга кирәк.
Моннан тыш, диетолог яшелчә, җиләк-җимешләрне күбрәк ашарга һәм көн саен 2-3 литр чиста су эчәргә киңәш итә. Бу организмга су тупларга ярдәм итә.
Шулай ук чәй, кофе, алкоголь һәм энергетиклар эчүне дә киметергә кирәк, алар организмнан чыга торган сыеклык күләмен арттыра һәм шешенүләр барлыкка китерә.
Табиб көндәлек рационга петрушка да өстәргә киңәш итә, чөнки бу яшел үлән организмнан токсиннар чыгаруны яхшырта.
Күз төбендә кара таплар арту һәм авыртулар барлыкка килү бөер авырулары билгесе булырга мөмкин, шуңа күрә бу очракта табибка барырга кирәк, дип белдерде диетолог.
Интертат
Следите за самым важным и интересным в Telegram-каналеТатмедиа
