Питрәч районы Карповка авылында ФАП төзелә

Бина төзелеп беткән, эчке эшләр, инженерлык челтәрләрен көйләп бетерәсе, җиһазлар урнаштырасы һәм керү юлларын төзекләндерәсе калган.
Карповка авылында ике йөздән артык кеше яши. Хәзерге вакытта авыл халкына арендага алынган бинада медицина хезмәте күрсәтелә. Тиздән барысы да үзгәрәчәк. Яңа фельдшер-акушерлык пункты быел ачылачак.
Финанслау лимиты - 4 миллион сумга якын. Булачак фельдшер-акушерлык пунктының мәйданы 58 квадрат метр тәшкил итә. Төзелеш дәүләт программасы буенча бара.