Прививка ясатудан баш тартса, читтән торып эшләүче кешене дә эштән җибәрә алалар

Нигезле сәбәбе булмый торып вакцинациядән баш тарткан очракта, эш бирүченең хезмәткәрне эштән читләштерергә хакы бар.

Шул ук вакытта, әлеге кагыйдә өйдә эшләүчеләргә дә кагылырга мөмкин. 

Эштән читләштергәндә хезмәт хакы сакланмаячак, тиешле чаралар 15 августтан күрелә башлаячак.

Иң элек эш бирүче хезмәткәрдән вакцинациядән баш тартуы турында язма белешмә сорарга тиеш. Читләштерү сәбәбе беткәч, яки пандемия төгәлләнгәч кенә, кеше кабат эш урынына кайта алачак», — дип белдерделәр ведомствода.

Хатта хәбәр ителгәнчә, әлеге чара Россия Хезмәт кодексында да күрсәтелгән. Әйтик, 76нчы маддәдә әйтелгәнчә, моның өчен кодекс, законнарда санап үтелгән сәбәпләр дә, башка төрле норматив-хокукый атлар да нигез булырга мөмкин. «Йогышлы авыруларны иммунопрофилактикалау турында»гы законны бозу очрагын шундый факторларның берсе дип санарга мөмкин.

Коронавирус инфекциясенә каршы вакцинация эпидемиологик күрсәткечләр буенча профилактик прививкалар календарена кертелде һәм ул төбәктә халыкның аерым категорияләре өчен прививкалар турындагы карар кабул ителгән очракта мәҗбүри, дип белдерделәр Хезмәт һәм мәшгульлек буенча федераль хезмәттә.

ТИ