Мини-футбол буенча район чемпионатының иң яхшы снайперы кем булыр?

Узган ел чемпионы һәм быелгы сезон лидеры "Виктория" сигезенче урын өчен көрәшүче "Легионга" өмет калдырмады. Уен лидер файдасына 7:2 исәбе белән тәмамланды. Хәзер "Виктория"нең исәбендә 36 очко бар. Икенче һәм өченче урыннарны "Барса" һәм "Ред Булл" бүлешә, аларның 30ар очколары бар. Барслар "Фортуна"ны җиңде - 5:3, "Красные быки" бу турда ял иттеләр.
"Трудовые резервы" чемпионатта берничек тә беренче җиңүен ала алмый, бу юлы алар икенче аутсайдерга – "Фамили"га 1:5 исәбенә оттырды. "Искра" КПРФ"ны  – 4:3, "Аякс" "Фрейншип"ны – 10:1, "Стар" "Атлетико"ны - 5:4, шулай ук кискен көрәштә "Феникс"ны 3:2 исәбнә җиңде.
"Виктория"дән Артем Утяганов чемпионатның иң яхшы бомбардиры булды дип әйтергә була. Гол+пас системасы буенча ул 65 балл җыйды (39+26), аннан нәкъ 20 баллга  Данил Воркунов калыша ("Барса") – 39+6.