Питрәч волейболы: ярымфинал уеннары башланды

Авыл яшьләре арасында волейбол буенча район чемпионатында ярымфинал уеннары башланды. Даими чемпионат тәмамланганнан соң командалар, биләгән урыннарына карап, ике төркемгә бүленделәр. А төркемендә «Легион» (Шәле), «Старое Шигалеево» һәм «Кобяково» уйный. В төркемендә «Богородское», «Дружба» һәм «Олимп» (икесе дә Питрәчтән).

Беренче көнне «Кобяково» командасы ике уен үткәрде һәм икесендә дә оттырды: башта «Старое Шигалеево» командасына – 2:3, аннары «Легион»га – 1:3. Шулай итеп, Кибәк Иле командасы өчен агымдагы сезон тәмамланды. Медальләр өчен көрәшне Шәле һәм Иске Шигали командалары дәвам итә.

В төркемендә бер уен булды, анда «Богородское» «Олимп»ны 3:0 исәбенә җиңде. Бу атнада төркемчәләрдә уеннар дәвам итәчәк.