Үзизоляция - кем өчендер хоккеляция, кем өчендер футболизация

Тренировкалар көнендә районның балалар бакчалары базасында шөгыльләнүче кечкенә футболчыларның әти-әниләре телефон аша тренер Алексей Сунейкиннан видеохәбәр алалар. Ул балаларга бүген алар нинди күнегүләр башкарырга тиешлеген күрсәтә.
- Һәрвакыттагыча, тренировканы күнегүләрдән башлыйбыз. Аны да, кечкенә балалар тупка ияләшсен өчен, туп белән үткәрергә киңәш итәм, - ди ул.
Хоккей буенча тренер Егор Маташков та “Үз-үзеңне изоляцияләү режимы - спорттан баш тарту өчен сәбәп түгел”, - дип саный.
- Тренировкаларның бер өлешен фатирда да уңышлы үткәрергә була, - ди ул. Аның хоккейчылары мондый тренировка минимумын бик теләп башкаралар.
- Улым инде икенче ел хоккей белән шөгыльләнә. Ул бу шөгыльне бик ярата, шуңа күрә тренировкалар тукталгач, кәефе төште. Хәзер онлайн тренировкалар вакытын ул түземсезлек белән көтә, - ди яшь хоккейчының әнисе Наталья Нефедова.
Бассейнда шөгыльләнүчеләргә, әлбәттә, катлаулырак. Тик монда да тренер Алексей Иванов нәни йөзүчеләргә күңелсезләнергә ирек бирми.
- Хәзер балалар әти-әниләре күзәтүе астында сыгылмалык һәм чыдамлылыкка күнегүләр ясый. Спорт - үз-үзеңне дисциплиналауның иң нәтиҗәле алымнарының берсе. Өстәвенә, спорт белән шөгыльләнү кәефне күтәрә, ә уңай фикерләр яхшы нәтиҗәләргә китерәчәк. Хәзерге вакытта тискәре күренешләрдән онытылып тора белергә дә кирәк, - дип билгеләп үтә кечкенә йөзүчеләрнең тренерлары.