Алга
  • Рус Тат
  • Җиңүләре белән безне сөендерсеннәр

    Татар Тау Илендә тантаналы шартларда хоккей тартмачыгы ачылды. Бу районда шундый тартмачыкның тугызынчысы.

    Хоккей елдан-ел популярлаша бара һәм үзенең чикләрен киңәйтә. Бу гаҗәп тә түгел, спортның әлеге төре белән шөгыльләнергә теләгәннәр өчен бөтен шартлар тудырыла: боз сарайлары (республикада алар 39) һәм хоккей тартмачыклары төзелә.
    Безнең районда да хоккей үсешенә зур игътибар бирелә. Питрәч авылында искиткеч Боз сарае төзеделәр, торак пунктларда хоккей тартмачыклары ачыла.
    Безнең хоккейчыларның, фигуралы шуучыларның күз алдында. Район җыелма командалары составында район үзәге спортчылары гына түгел, торак пунктлардан килгән спортчылар да бар. Чираттагы, тугызынчы хоккей тартмачыгы Татар Тау Иле авылында да ачылды. Аны район үзәгеннән китерделәр. Ул элек комплекслы балалар-яшүсмерләр спорт мәктәбе янында иде. Башта "Пресс" җаваплылыгы чикләнгән җәмгыятьтә бортларын рәтләделәр, аннары тартмачыкны кую өчен урын әзерләделәр. Монда "Горняк" җаваплылыгы чикләнгән җәмгыять техника белән ярдәм итте, ә "Ак барс-Питрәч" җаваплылыгы чикләнгән җәмгыять боз катыруда ярдәм итте. Билгеле инде, җирле халык та ярдәм итте. Мәктәп, авыл мәдәният йорты, авыл җирлеге башкарма комитеты хезмәткәрләре бик теләп булышты. Алар КДЮСШ һәм район спорт комитеты белән берлектә бик күп эшләр башкарды. Авыл балаларына спорт белән шөгыльләнү өчен җай чыкканга һәммәсе дә бик шат. Тартмачык авылга кергәндә бөтен кеше күрә торган җирдә урнашкан. Тартмачыкны ачу тантанасына тулы бер делегация килде. Аны башкарма комитет җитәкчесе Азат Вәлиуллин җитәкләгән иде. Тантана вакытында Азат Миңнуллович авыл халкын, балаларны, яшьләрне яңа спорт объекты ачылу белән тәбрикләде, саф һавада күбрәк спорт белән шөгыльләнүләрен һәм район ярышларында актив катнашуларын теләде.
    Хоккей тартмачыгын ачу вакытында Азат Миңнуллович үзе, аның урынбасары Валентина Урысова, яшьләр эшләре спорт һәм туризм бүлеге башлыгы Илдар Бикмөхәммәтов һәм Татар Тау Иле җирле үзидарәсе башлыгы ал тасманы кисәләр.
    Ә җирле мәктәп укучылары кунакларга һәм авыл халкына кечерәк концерт күрсәттеләр, аннары район җитәкчелегенә зур бүләк өчен рәхмәт әйттеләр.
    Һәм менә көтеп алган хоккей матчы. Авыл хоккейчыларына кунакка Шәле һәм Ленино-Кокушкино авылларыннан яшьләр командалары килде. Беренче символик алканы Азат Миңнуллович бозга сала. Шуны да әйтеп үтәргә кирәк, ул җирле командага хоккей формасы комплекты бүләк итте.
    Хоккей уеннары төрле комбинацияләр белән бик кызык барды. Һәм, иң мөһиме, капкаларга алкалар кертелде. Алар теләсә нинди турнирны бизи.
    Бозга көн саен утызлап кеше шуарга килә. Алар төрле яшьтә. Һәммәсе дә рәхәтләнеп хоккей уйный, тимераякта шуа. Тренерлары да бар. Балалар белән көн саен Раил Мифтахов шөгыльләнә.
    Рәсемдә: Татар Тау Иле хоккей тартмачыгында беренче алка салу.
    Автор фотосы.

    Нравится
    Поделиться:
    Реклама
    Комментарии (0)
    Осталось символов: