Театр тамашачыны үзенең сихрилеге, серлелеге белән җәлеп итәдер, мөгаен. Аны патшалар да яраткан һәм хәзер дә яратып карыйлар. Театрга бару, димәк ниндидер бер илаһи матурлыкка кагылу, үзеңне гаҗәеп дөньяга эләккән, башка чор кешесе кебек хис итү, геройлар белән аларның кайгы-шатлыкларын кичерү дигән сүз. Хәтта кинематограф та, телевидение дә театрны алыштыра алмый. Район мәдәният йорты сәхнәсендә питрәчлеләргә берничә спектакль тәкъдим иттеләр.
