Агымдагы елда Татарстан юлларында 10 бала хәләк булган

Агымдагы елның җиде аенда Татарстан юлларында балалар катнашлыгында 302 юл хәләкәте очраклары теркәлгән. Нәтиҗәдә 10 бала хәләк булган, ә 308 е төрле дәрәҗәдәге тән җәрәхәтләре алган. Питрәч районы юлларында шул вакыт аралыгында 49 юл хәләкәте очрагы теркәлгән, анда җиде бала тән җәрәхәтләре алган. Әлеге кызганыч статистиканы истә тотып, яңа уку елы башланыр алдыннан ЮХИДИ хезмәткәрләре Питрәч районының барлык мәктәпләре һәм балалар бакчалары җитәкчеләре белән очрашу оештырылган иде.