Слайдер

Илшат Гайсаров фотолары.

Шушы көннәрдә Питрәч районында "Питрәч! Укы!” китапханә фестивале узды. Быел бәйрәм төрле яшьтәге бик күп катнашучыларны җыйды. Бу бәйрәмгә килгән һәркемне зур театраль тамаша, конкурслар һәм бүләкләр көтә иде. Ике ел элек фестиваль китапханәдән читкә чыкты һәм белем бирү программаларын үткәрү өчен нигез булды. Әлеге чараны мондый форматта үткәрү безнең район халкына бик ошады. Сезнең игътибарга әлеге мавыктыргыч чарадан фотолар тәкъдим итәбез.

Озын ял көннәрендә районда Май чабу бәйрәмен зурлап билгеләп үттеләр. Тәмле коймаклар, күңелле уеннар һәм, әлбәттә инде, кыш белән саубуллашу - районның һәр авылында узды. Питрәчлеләргә Май чабу атнасының нинди күңел ачулары, традицияләре күбрәк ошый икән? Бу сорауга җавапны районның барлык бәйрәм мәйданнарында ишетергә мөмкин булды.

Ун ел дәвамында совет солдатлары туган җирләреннән читтә, Азия илендә кызу кояш астында, таш-таулар арасында интернациональ бурычларын үтәгән. Безнең яктан югалтулар да аз булмады, шул исәптән, дүрт якташыбыз бу җирдә һәлак булды. Николай Кирюшин, Евгений Перчков, Илдар Мәрхәбин һәм Геннадий Саликеев батырларча көрәшеп, дошман пулясыннан һәлак булганнар. Һәркайсы Кызыл Йолдыз орденнары белән бүләкләнгән, Питрәчнең дүрт урамы аларның исемен йөртә, шулай ук алар хөрмәтенә спорт ярышлары үткәрелә. Безнең районнан 140тан артык егет Әфганстанда үзләренең интернациональ бурычларын үтәгән, бүгенге көндә район территориясендә 79 Әфган сугышы ветераны яши. Сугышчы-интернационалистларны искә алу, совет гаскәрләренең Әфганстаннан чыгарылуы көнендә, район мәдәният йортында тематик чара үтте. Фойеда бу датага багышланган күргәзмә оештырылган иде. Биредә кырыс сугыш елларыннан калган фотографияләр, шәхси әйберләр, газеталар күрергә була иде, питрәчлеләр боларның барысын да кызыксынып карады.

Керәшен авылларында Качману – иң яраткан бәйрәмнәрнең берсе. Бу көнне һәр елны авыл халкы су алыр өчен матур итеп киенеп, җырлый-җырлый су буена бара. Бу су Качмануда дәвалау үзлеге ала. Яр буена төшә алмаганнарга суны көянтә-чиләкләр белән алып килеп бирәләр. Теләгәннәр дога укып купельгә, бәкегә чумлый, гыйбадәт кылу урынына бара. Алар менә шулай зур православие бәйрәмен билгеләп үтә.

Бар җиһан әкияттәге кебек сихри матурлыкка чумган.

Шәледә легендар якташыбыз, озак еллар Мулланур Вахитов исемендәге алдынгы колхозны җитәкләгән атказанган авыл хуҗалыгы хезмәткәре, орден иясе Фәйзерахман Сафин истәлегенә багышланган һәм аның призына көрәш буенча җиденче турнир үтте. Келәмгә Казаннан, Яшел Үзәннән, Мамадыштан һәм безнең районнан җитмешкә якын көрәшче чыкты. Нәтиҗәдә, команда исәбендә яшүсмерләр арасында беренче урынны шәлелеләр алды, ир-атлар арасында беренче урын “Ак Барс Питрәч” ҖЧҖ командасында. Җиңүчеләргә һәм призерларга бүләкләрне район башлыгы Илһам Кашапов һәм Фәйзерахман Сафинның уллары Илдус һәм Җәүдәт тапшырды.

Республикада яшьләр арасында интеллектуаль уеннар популярлаша бара. Аларда команда белән дә катнашырга була, бу уңай хис-кичерешләр бүләк итә, камиллеккә омтылырга этәрә.

Унберенче сыйныф укучыларының чыгарылыш кичәсе булып узды. Бу көнне Ленино-Кокушкино, Татар Казысы һәм Иске Шигали чыгарылыш укучыларына аттестатлар тапшырдылар. Татар Тау Иле һәм Шәле мәктәпләрендә чыгарылыш укучылары аттестатларны кичә алдылар. Бүген Богородск һәм Кощак, ә 29 июньдә - Колай мәктәбендә чыгарылыш кичәсе планлаштырылган. Районда унберенче сыйныфны барлыгы 85 малай һәм кыз уңышлы тәмамлады, аларның 20се отличиелы аттестат алды. Чыгарылыш кичәсе - шатлык, сагыш һәм, әлбәттә, егетләргә һәм кызларга соклану өчен искиткеч сәбәп. Без аларның барысына да уңышлар һәм планнарының чынга ашуын телибез.

Авыл мәдәният йорты территориясендә балалар өчен күңелле бәйрәм оештырылды. Бу көнне балалар төрле конкурсларда, ярышларда, уеннарда катнашты. Ә инде аларда җиңүчеләр призлар алды, дөрес, сабантуй батырына олылар сабантуендагы кебек тәкә эләкмәде. Барлык катнашучыларга да бәйрәм чарасы бик ошады, алар авыл һәм район сабантуйларында катнашырга вәгъдә иттеләр. Илшат Гайсаров

Өмәдә 200гә якын кеше катнашты. Бу Ленино-Кокушкино авылында яшәүчеләр, мәктәп коллективы һәм балалар бакчалары хезмәткәрләре, көллият студентлары һәм укытучылары, Яшьләр үзәге хезмәткәрләре һәм башкалар. Иртәдән, хезмәт ияләрен сөендереп, музей территориясендә музыка уйный башлады: анда безнең җирле артистлар чыгыш ясады. Бу көнне яшь рәссамнар да пленэрга чыкты. Сүз уңаеннан, бу көнне өмәдә катнашучыларның барысы да кызыл галстук такты. - Бүген "Пионерлар көне", ә без барыбыз да балачактан. Шуңа күрә бу бәйрәм турында искә төшерергә карар иттек, - дип билгеләп үтте район башкарма комитеты җитәкчесе урынбасары Зимфира Мөхәммәтгәрәева.

Безнең районның барлык торак пунктларында Бөек Ватан сугышында совет халкының Җиңүенә багышланган митинглар үткәрелде. Бу бәйрәмгә багышланган төп чаралар районның үзәк мәйданында һәм Җиңү паркында узды. Әлеге бәйрәмнән фоторепортаж тәкъдим итәбез.

Олылар да, балалар да Олы көнне зарыгып көтә, бу иң күңелле бәйрәм. Питрәчтә бу вакытта ел саен “Олы көн бүләге” фестивале уза. Бу бәйрәмне оештыру комитетына быел да бик күп рәсемнәр, сувенирлар, фото һәм видео материаллар килгән. Николай Чудотворец чиркәүендә һәр номинациядә җиңүчеләр исемнәрен атадылар һәм аларга истәлекле бүләкләр тапшырдылар.