14 февраль 2019 яңалыклары
-
“Балалар безгә тормышка куанып яшәргә ярдәм итә”
Питрәчтә “Сыйныф җитәкчесе” республика конкурсының муниципаль этабы үтте. Анда район мәктәпләреннән 11 укытучы катнашты. Алар һөнәри осталыкларын күрсәтте, балалар белән аралашу серләре белән уртаклашты. Жюри әгъзалары озак кына фикер алышканнан соң биш җиңүче турында игълан итте, әмма конкурсның зона этабына ике катнашучы гына барачак.
-
Чаңгы юлларында ярыш кызу булды
Безнең районда “Россия чаңгы юлы” спорт бәйрәме киң колач белән үтте. Узган шимбә наратлыктагы стадион Сабантуй бәйрәмен хәтерләтте, халык күп җыелган иде, аларның күбесе чаңгыга басты. Салкынча җилле һава булуга да карамастан, чаңгыда йөрү өчен искиткеч көн булды. Гомумән оештыручылар ярдәмендә сәламәтлек бәйрәме күңелле һәм уңышлы үтте.
-
Шәһәргә якын булуның өстенлекләре дә бар, кыенлыклары да җитәрлек
Район авылларында хисап җыелышлары тәмамланды. Иң соңгылары Кощак һәм Шигали авыл җирлекләрендә үтте. Әлеге авыл җирлекләре өчен Казанга якын урнашу берникадәр кыенлыклар да тудыра, шулай ук аның яхшы яклары да бар.
-
Гашыйклар көне һәркемнең дә яраткан бәйрәмеме?
Гашыйклар көне алдыннан без бу бәйрәмгә карата ир-атлар һәм хатын-кызлар карашын белергә булдык. Фикерләр төрле булып чыкты. Кешелекнең гүзәл яртысы өчен бу көн иң яраткан көннәрнең берсе булса, ир-атларда 14 февраль бөтенләй башка хисләр тудыра икән.
-
“Балалар мәхәббәте – иң зур бүләк”
Балык Бистәсе районында “Ел хатын-кызы. Ел ир-аты: хатын-кыз карашы” республика конкурсының зона этабына йомгак ясалды. Сәхнәдә Питрәч районыннан төрле номинацияләрдә алты катнашучы чыгыш ясады, аларның икесе җиңүче булды.
-
Район үсә, ихтыяҗлар да арта
Татарстан Республикасы премьер-министрының беренче урынбасары Рөстәм Нигъмәтуллин безнең районга эшлекле сәфәргә килде. Район Советының ел саен үткәрелә торган йомгаклау утырышында катнашудан тыш, ул республика делегациясе белән бергә Кощак һәм Шигали авыл җирлекләрендә булды. Беренчесендә кунакларга күптән түгел капиталь ремонттан соң ачылган клубны һәм ачылышка әзерләнә торган яңа амбулаторияне күрсәттеләр. Ә икенчесендә кунаклар шушы көннәрдә ачылган райондагы беренче сугым цехында булдылар.
-
Игътибар, фотоконкурс!
«Вперед» («Алга») район газетасы редакциясе Ватанны саклаучылар көненә багышланган “Минем герой” дигән фотоконкурс игълан итә.
-
2018 елда Татарстанга чит илләрдән килгән туристлар саны 25 процентка диярлек арткан
Кытай, Колумбия, Германия, Иран һәм Төркия кунаклары сәяхәт итү өчен Татарстанны ешрак сайлый башлаган.
