Питрәч районында Уңыш көнендә тармак алдынгыларын хөрмәтләделәр һәм сезон нәтиҗәләрен игълан иттеләр

Алар механизаторларны, үсемлекчелек белгечләрен, терлекчеләрне котладылар, аларга җиңел булмаган хезмәтләре өчен рәхмәт белдерделәр. Грамоталар, рәхмәт хатлары, акчалата премияләр һәм санаториягә юлламалар авыл хуҗалыгы ветераннары, алдынгылары, яшь белгечләре өчен бүләк булды. Шулай ук бу көнне алар өчен республика һәм Питрәч артистлары катнашында концерт программасы күрсәтелде.
- Тармак статистикасының һәрбер саны артында кешеләр, аларның авыр, киеренке, үз-үзен аямыйча хезмәт куюлары тора, - дип ассызыклады Илдус Габдрахманов. - Бүген без аларга эшләренә карата булган тугрылыклары, казанышлары өчен зур рәхмәт белдерәбез.
Уңыш бәйрәменә 180нән артык хуҗалык хезмәткәрләре һәм ветераннары чакырылды, аларның 75е бүләкләргә ия булды.
Урак өсте нәтиҗәләре буенча, районда 32818 гектар чәчү мәйданыннан тулай ашлык күләме 96 мең тонна тәшкил итте, уртача артык уңдырышлылыгы - бер гектардан 29 центнер. 10 ай эчендә Питрәч хуҗалыкларында 18097 тонна сөт җитештерелгән һәм 28445 тонна ит эшкәртелгән.