Бөек Ватан сугышы ветераны Илья Токранов 99 яшьлеген билгеләп үтте

Бөек Ватан сугышы ветераны Илья Иосифович Токрановка 99 яшь тулды. Ул Богородск авылында яши. 

Аны туган көне белән котларга район башлыгы Илһам Кашапов, ветераннар советы рәисе Эльгиза Фәйзуллина, социаль яклау бүлеге башлыгы Дарья Юматова килгән иде.

Алар аңа котлау хаты, бүләкләр тапшырдылар, Бөек Ватан сугышында Җиңүгә керткән зур өлеше өчен рәхмәт белдерделәр һәм нык сәламәтлек теләделәр. Мәдәният бүлеге хезмәткәре Илья Токранов өчен гармун астында җыр башкарды, шул исәптән танылган «Катюша» җырын да. Ә яшь армиячеләр отряды шигырь укыдылар.

Илья Иосифович Әлмәт районының Добромыш авылында туган. 1941 елның октябрендә ул 908 нче укчылар полкына мобилизацияләнә. Яшь егетләрне кече командирларга өйрәтә башлыйлар, әмма алар белем ала алмыйлар, аларны заводны немецлардан саклау өчен Воронежга җибәрәләр. Шул ук сугыш өчен ул үзенең иң кадерле бүләген - III дәрәҗә Дан орденын ала. 1942 елның июлендә бомбага эләгә һәм аягы каты яралана, шуннан соң Красноярск крае госпиталендә дәвалана. Терелгәннән соң 108 нче укчы полкында сугыша һәм кабат яралана – бу юлы кулы. Аны 1944 елның июлендә рядовой исемендә демобилизациялиләр һәм Питрәч районы Богородск авылына җибәрәләр. Соңрак ул өйләнә һәм безнең районда яшәп кала, колхозда бригадир булып эшли, башта кырчылыкта, аннары төзелеш бригадасында хезмәт куя.

Хәзерге көндә ветеран кызы белән яши. Аның биш баласы, 18 оныгы, 21 оныкчыгы һәм 5 онык балалары бар.