“Без рәхәтләнеп иҗат итәргә, эшләргә хыялланабыз”

Хәзерге вакытта бинаның эчендә дә, тышында да эш кайный. Керү юлында төзүчеләр тротуар плиткаларын җәюне тәмамлап киләләр, төп керү урыннары да әзер диярлек – яңа ишекләр куйганнар, баскычларны ремонтлаганнар, ә төп керү юлына 3D эффекты белән брусчатка җәйгәннәр. 
Кабинетлар да тузанга баткан – анда иске җылылык системасын сүтәләр, сантехниклар инде кайбер урыннарда түшәмнәрне алыштыра. 
– Бу бинага ярты гасырга якын, – диде авыл мәдәният йорты директоры Людмила Александрова. – Берничә ел элек бездә капиталь ремонт ясаганнар иде инде, әмма ул безнең проблемаларыбызның барысын да хәл итмәде, бу юлы әлеге программага эләгүебезгә шатланып туя алмыйбыз. Безнең бинаның түбәсе бик нык тузган, бу зур куркыныч тудыра иде. 
Ремонтка инде февральдә үк керештеләр, ул чакта беренче эш итеп түбәне яңарттылар. 
– Барысы да капиталь башкарылды: иске кайчылыклар, түшәмнәр алыштырылды, яңа калай яптык, һава суыра торган торбаларны ремонтладык, барысын да җылыттык, – дип билгеләп үтте прораб Александр Каляшин. 
– Моннан тыш, без инде тәрзәләрне алыштырдык һәм бинаның күп өлешен тышладык, отмостка ясадык, җылылык, электр энергиясе системасын алыштырасы һәм башка эшләр башкарасы калды. Эш күп, әмма без уку елы башланганчы, сентябрьгә кадәр барысын да төгәлләргә тырышабыз. 
Кощак мәдәният йортында шулай ук сәламәтлекләре ягыннан мөмкинлекләре чикләнгән кешеләр өчен яңа, җиһазландырылган керү юлы, гардероб, чишенү-киенү бүлмәсе, костюмнар бүлмәсе барлыкка киләчәк. Ә сәхнәне ачылмалы пәрдә белән җиһазландырачаклар, зал 220 урынлы булачак. 
Бу клубка елдан-ел күбрәк балалар һәм яшьләр килә, шәһәр халкы табигать кочагында яшәргә теләп, яңа торак комплексларына күчә. Шуңа күрә клубны төзекләндерү урынлы булды. Коллектив киләчәктә бинага өстәмә корпус төзү турында да хыяллана. 
- Тишек түбә, иске идән, чишенү-киенү булмәсенең булмавы кебек көнкүреш кыенлыкларсыз эшләргә хыялланабыз, - ди Любовь Александрова. – Район һәм республикадан килгән кунакларны каршыларга оялмыйча, заманча шартларда эшләргә телибез. Без күп җирләрдә булабыз, һәм хезмәттәшләребезне үзебезгә кунакка чакырабыз. Балаларның да яхшы шартларда иҗат итүләрен телибез. 
Җитәкче үзе дә, коллектив та кулдан килгәнчә эшләрнең тизрәк төгәлләнүен якынлаштыра – алар эшчеләргә булышалар, территорияне тәртипкә китерәләр. 
Ә әлегә мәдәният йортында иртәдән кичкә кадәр төзүчеләр бригадасы эшли, балалар һәм җитәкчеләр якында урнашкан яңа паркка чыктылар. Биредә көн саен төрле чаралар, очрашулар, уеннар үткәрелә, концертлар куела. 
- Бүген без велосипедта йөрибез, без һәр чәршәмбе көнне кая булса да барабыз, бу юлы – Тверетиновкага барырга булдык. Бу авыл ерак урнашкан, әмма безгә анда бару ошый, - диләр дус кызлар Вероника Алексеева һәм Ульяна Филиппова. – Ә кичә без бадминтон, кегли, шашка, шахмат һәм лото уйнадык. Шуңа күрә бирегә көн дә киләбез, иртәгә дә монда булачакбыз.