Бүген Питрәч почтальоннары үзләренең һөнәри бәйрәмнәрен билгеләп үтәләр

Без Колай авылыннан хат ташучыларның берсе белән әңгәмә кордык.

Лидия Задворнова, башка хезмәттәшләре кебек үк, халыкка газета-журналлар, телеграммалар, посылкалар китерә.
Балачакта ул сатучы булырга тели. Гомере буе Колай авылында сатучы булып эшләгән әнисе Екатерина Васина аның өчен үрнәк була. Шуңа күрә мәктәпне тәмамлаганнан соң Лидия сәүдә училищесына укырга керә. Укуын тәмамлап, Арышхазда авылы кибетенә эшкә урнаша. Көн саен җәяү эшкә бара торган була. Юл якын түгел – 5 километр. Көне буе аяк өстендә эшләп, янә шул ук 5 километрны җәяү өйгә кайта. Күпмедер вакыт Лидия декрет ялында була. Ял тәмамланганнан соң, аңа хат ташучы Маргарита Елизарованы алыштырырга тәкъдим итәләр. Бу 2002 елда була.

Мин яңа эшне яраттым. Кешеләр белән күп аралашам, яңалыклар белән уртаклашам. Икенче һөнәргә ия булуыма үкенмим, - ди әңгәмәдәшем.

Почта бүлекчәсендә ул хезмәттәше Любовь Куприянова белән бергә эшли. Лидиянең участогы зур, ул аны үзе сайлаган.

Мине  һава торышы нинди генә булуга карамастан көтәләр.  Үз алдыма куйган бурычны  җиренә җиткереп башкарырга тырышам, без почтаны вакытында, тоткарлыкларсыз илтеп тапшырырга тиеш, - ди хат ташучы.

Нигездә, аның укучылары район газетасы, республика газеталары һәм журналлары алдыра. Кайберәүләр берьюлы берничә басмага языла.

Мария Шуленкова 5 мең сумнан артык бәягә 8дә артык басмага языла. Галина Мишина һәм Нәсимә Хөснетдинова да актив, - дип фикерләре белән уртаклашты почта бүлеге хезмәткәре.

Эштән соң ул үзен гаиләгә багышлый. Җәй көне бакчада эш җитәрлек.

Николай Кузин, Владимир Лукин, Михаил Михайлов, почта бүлекчәсе операторлары Мария Крусева, Анна Курицына, Оксана Токранова, хат ташучылар Людмила Савина, Раиса Сучкова (Питрәч), Айсылу Мөбарәкҗанова (Кощак), Гөлфия Шәмсиева (Шәле), Гөлсинә Сөнгатуллина (Чыты)  үз эшләрен шулай ук намус белән башкаралар.