Бүген район планеркасында нинди мәсьәләләр каралган?

? Вакцинация. Бүгенге көндә районда аз санда прививка ясаткан зур хезмәт коллективлары бар. Илһам Кашапов оешмалар мониторингын җентекләбрәк башкарырга кушты. Вакцинация һәм вакцина турында рәсми мәгълүмат чыганакларына гына ышанырга чакырды.

? Санитар-экологик икеайлык нәтиҗәләре. Район башлыгы июнь аенда узачак чаралар турында искә төшерде, алар барышында районга кунаклар киләчәк. Барлык оешмалар белән үзләренең беркетелгән территорияләрен җыештыру мәсьәләсен үтәргә кушты.

? Авыл җирлекләрендә су белән тәэмин итү мәсьәләләрен контрольдә тотарга. Бу атнада әлеге мәсьәлә буенча берничә очрашу һәм эшлекле сәфәрләр планлаштырылган.

? Балалар сәламәтләндерү кампаниясе. Илһам Кашапов барлык җаваплы хезмәтләргә җәйге каникуллар вакытында "Акчарлак" лагерен контрольдә тотуны көчәйтергә кушты.

?  ? Рус теле көне. Чараларны тиешле дәрәҗәдә үткәрү йөкләмәсе бирелде.

? "Безнең ишегалды" программасы. Программа кысаларында Пановка авылында эшләр бара, шулай ук Шигали авыл җирлегендә эшләр башланган. Район башлыгы 2020 елгы ишегаллары буенча барлык эшләрне дә төгәлләргә кушты.