Бик тиздән “Акчарлак” ял итүчеләрне кабул итәчәк
Тиздән районда балаларны җәйге сәламәтләндерү кампаниясе башланачак. Хәзерге вакытта “Акчарлак” лагере сезон ачылышына әзерләнә.
“Акчарлак” җәйге сәламәтләндерү лагере матур һәм уңайлы урында урнашуы белән лаеклы горурлана ала. Ул ылыслы урманда урнашкан. Искиткеч матур табигать, аның саф һавасы, төрле кызыклы программа елдан-ел күбрәк баланы лагерьга тартып китерә. Хәзерге вакытта монда яңа заманча уңайлы корпус төзелеше бара.
Лагерьда биш смена үтә. Беренче смена 9 июньдә ачыла һәм 15 июньгә кадәр дәвам итә. Традицион рәвештә беренче булып лагерьда “Йолдызлы десант”ка йөрүчеләр ял итәчәк. Икенче смена 19 июньнән 6 июльгә кадәр, өченче смена – 9 июльдән 29 июльгә кадәр, дүртенче смена 3 августтан 9 августка кадәр эшләячәк. Сезонны кабат “Йолдызлы десант” ябачак – 13 августтан 19 августка кадәр.
Бүгенге көндә лагерь персоналын туплау һәм оештыру эшләре алып барыла. Балаларының җәйге ялларын оештырырга теләүче ата-аналар яшьләр эшләре һәм спорт бүлегенә мөрәҗәгать итә ала.
Следите за самым важным и интересным в Telegram-каналеТатмедиа
