Ел волонтеры Саимә Шаһиәхмәтова: «Кемгә дә булса ярдәм итеп, син иң элек үзеңә булышасың»

Иске Шигали авылыннан Саимә Шаһиәхмәтова ирекле эшчәнлек белән актив шөгыльләнә, Питрәч районының «Форпост» балалар иҗтимагый оешмасы рәисе, җирле яшьләр хокук саклау хәрәкәте лидеры булып санала, ә элек «Форпост» мәктәп формированиесе командиры булган. Быел кыз «Мәрхәмәтле Татарстан» волонтерлык өлкәсендә республика премиясенә лаек булды. Ул «Гражданлык-патриотик эш өлкәсендә ел волонтеры» номинациясен яулады.

«Бер-беребезгә булышырга кирәк. Кемгә дә булса ярдәм итеп, син иң элек үзеңә булышасың", - дип билгеләде Саима.

– Миңа "Форпост"оешмасы бик ошый. Мин күп кенә конкурсларда үз көчемне сынап карыйм, үзем өчен максималь белем һәм тәҗрибә тупларга тырышам, - дип сөйләде Саимә узган интервьюларда. - Без Бөек Ватан сугышы ветераны Алексей Макаровка, тыл хезмәтчәннәренә, авылның ялгыз пенсионерларына ярдәм итәбез. Шулай ук төрле патриотик акцияләр, флешмоблар, күңелле зарядкалар үткәрәбез, шуның белән барлык кешеләрне дә сәламәт яшәү рәвеше алып барырга өндәп торабыз, - диде ул.

Бүгенге көндә Саимә Филология һәм мәдәниятара багланышлар институтының беренче курсында белем ала. Киләчәктә башлангыч сыйныфлар һәм инглиз теле укытучысы булачак. Әмма ул Казанда яшәми, көн саен өенә кайта. Шуңа күрә үз мәктәбен дә, үз проектларын да калдырмый.

«Яңа проектларны гамәлгә ашыруны дәвам итәм, аерым алганда туган авылымда һәм тулаем районда патриотизмны үстерәм. Былтыр мин " Мәрхәмәтле Татарстан" премиясе финалисты булдым. 2022 елда җиңүне алу максатын куйдым һәм шулай булды да. Быел без мәктәптә чаралар уздыруны һәм ветераннарыбыз янына йөрүебезне дәвам иттек. Шулай ук Мин «Элбэдэн» һәм «Скорлупино»хәрби уеннары фестивалендә катнаштым. Институтта да төрле милләтләрне берләштерүгә юнәлдерелгән патриотик эшчәнлек алып барам», - дип уртаклашты Саима.