Гаражга документлар булмаса, аны рәсмиләштереп буламы?

– Әгәр ул гамәлдәге РФ Шәһәр төзелеше кодексы үз көченә кергәнче төзелгән булса, гаражны гадиләштерелгән тәртиптә «гараж амнистиясе» буенча рәсмиләштерергә мөмкин, әгәр ул бер катлы булса. Гараж рөхсәтсез төзелгән дип танылган булырга тиеш түгел.

Район хакимиятенә гамәлдәге гараж өчен участок бирүне сорап мөрәҗәгать итегез. Сезнең бинаны төрле документлар белән расларга мөмкин: хакимият органы карары, шул исәптән совет чорындагы, сезгә бу җир кишәрлеге бирелгәнен раслый, яки гараж бүлеп бирүне раслаучы гараж кооперативы гомуми җыелышы карары. Сез пай түләвен раслаучы белешмә яки башка документ яки иске техник паспорт тәкъдим итә аласыз. Әгәр дә гараж сезнең әти-әниегез, бабай һәм әбиегезнеке булса, яки аны сатып алуны раслаучы документлар булса, бу мирас документлары булырга мөмкин.

Әгәр дә бер документ та булмаса, бу сез гаражны оформить итә алмыйсыз, дигән сүз түгел. Әгәр ул гараж кооперативы территориясендә булса, аннан участокны бүлү турында күчермә яки пай взносын тулысынча түләү турында белешмә, җирле хакимият органнарыннан җир бүлеп бирү турында документлар таләп ителәчәк.

Гараж тасвирланган документларны табыгыз. Бәлки, бу техник план әзерләү буенча кадастр эшләренә чыгымнарны булдырмаска мөмкинлек бирер. Әгәр бу документлар булмаса, җир участогын төзергә, участок чикләре схемасын, җир участогының чикләү планын һәм гаражның техник планын әзерләргә ярдәм итәчәк кадастр инженерына мөрәҗәгать итәргә кирәк.

Әгәр кулда участок бүлеп бирү фактын раслаучы документлар булмаса, гаражны коммуникация челтәрләренә тоташтыру турында килешү, 2013 елның 1 гыйнварына кадәр БТИда техник инвентаризация узу турында белешмә бирергә мөмкин.

Уңай карар кабул ителгәннән соң, барлык документлар хокукларны теркәү өчен Татарстан Росреестрына җибәреләчәк