Газ үткәргәндә субсидиягә кем исәп тота ала

Үз составында тәбәндәге кешеләр булган гаиләләргә бер тапкыр бирелә торган субсидия факттагы чыгымнар күләмендә бирелә, әмма ул 100000 сумнан артмый:

– Бөек Ватан сугышы ветераннары, сугыш хәрәкәтләре ветераннары,

– һәлак булган (вафат булган) сугыш инвалидларының, Бөек Ватан сугышында катнашучыларның, сугыш хәрәкәтләре ветераннарының гаилә әгъзалары,

– I һәм II группа инвалидлар, инвалид бала, Бөек Ватан сугышы инвалидлары, сугыш хәрәкәтләре инвалидлары,

– инвалид балаларны караучы затлар,

– күп балалы гаиләләргә (18 яшькә кадәрге өч һәм аннан күбрәк балалары булган),

– җан башына уртача кереме аена 19000 сумнан артмаган гаиләләргә,

– махсус хәрби операциядә катнашучыларның гаиләләренә, СВО зонасына командировкага җибәрелгән ТР буенча Эчке эшләр министрлыгы, PT буенча РФ ФСБ идарәсе хезмәткәрләренә.

Шул ук вакытта газ үткәрү буенча хезмәтләр күрсәтү турында 2021 елның 21 апреленнән соң төзелгән килешү булырга тиеш.

Хисапта тотылган чыгымнар исәпкә алына:

– җир кишәрлеге чикләре эчендә газлаштыру буенча проект һәм төзелеш-монтаж эшләре (газ кертү һәм йорт эчендәге газ челтәрләрен төзү);

– йорт эчендәге газ җиһазлары (һәр төрнең исеме бердән артык түгел) һәм газны исәпкә алу приборлары сатып алу. Кирәкле документлар исемлеге:

– 2021 елның 21 апреленнән соң махсус оешма белән төзелгән газ үткәрү эшләрен башкаруга подряд шартнамәсе күчермәсе;

– башкарылган эшләр актының күчермәсе; – башкарылган эшләр өчен түләүне раслый торган документлар;

– сатып алынган газ җайланмалры өчен түләүне раслый торган документлар, паспортлары күчермәләре белән;

– газ бүлү системасы объектын төзү белән эш тәмамлануын кабул итү актының яисә якларның мөлкәтен һәм эксплуатация җаваплылыгын чикләү турындагы мәгълүматны үз эченә алган тоташтыру (технологик тоташтыру) турындагы актның күчермәсе;

– ЕГРНда хокук теркәлмәгән торак бинага хокук билгеләүче документның күчермәсе;

– ташламалы категориягә каравын раслый торган документлар күчермәләре;

– шәхси мәгълүматларны (гаилә әгъзаларының) эшкәртүгә ризалык бирүче документ.

Бер тапкыр бирелә торган субсидия бирү турында гаризаны торак йортның милекчесе (шул торакта теркәлгән) бирергә мөмкин (бергә яшәүче гражданнарны күрсәтеп). Түбәндәге адрес буенча социаль яклау органнарына: Питрәч авылы, Советская урамы, 20 нче йорт. Телефон: 88436730669, 30015.