Ике питрәчле миллионлы бурычлары өчен автомобильсез калган

Питрәч районы суд приставлары кредит бирүче банклар вәкилләре белән берлектә зур бурычларны түләүдән качучы гражданнарның яшәү урыннарына рейд үткәрделәр. Операция барышында ике очрак ачыкланды.

Беренчесе, чит илгә чыгуны тыюны да кертеп, элек салынган чикләү чараларына карамастан, 1 миллион сумнан артык бурыч җыйган. Рейд нәтиҗәсендә аның Porsche Cayenne премиум-класслы автомобиле алына.

Бурычы 1,1 миллион сум тәшкил иткән икенче бурычлыга шулай ук үзенең транспорт чарасы белән аерылышырга туры килгән – аның машинасын махсус стоянкага җибәргәннәр. Ике гражданга да бурычны каплау өчен 10 көн бирелгән, югыйсә кулга алынган милек сатуга чыгарылачак.