Казанда Петр Гаврилов турындагы китапның яңа басмасын тәкъдим иттеләр
Китапларның бер өлешен Питрәч районына тапшырдылар
Фото: © Люция Сираҗиева / «Питрәч-информ»
Казанда Советлар Союзы Герое Петр Гаврилов тарихы белән документаль повесть тәкъдир иттеләр. Бу өченче басма, “Сражается крепость” дип атала.
Әдәбият белгече Луиза Янсуар үзенең күзәтүендә аның тормышының иң ышанмаслык битләрен телгә алды. Ул хәлсез килеш крепостьны соңгы чиккә кадәр нык саклаган һәм әсирлеккә эләккән. Авылдашларының аңа карата тискәре мөнәсәбәте аркасында ул Краснодарга китеп бара. Шулай да ул халык тарафыннан танылу ала.
– Гаврилов тарихы без, мәктәп укучылары, өчен яхшы таныш иде. Без аны яттан белә идек. Төнлә уятып сорасалар да: аның кайчан туганын, кайда сугышканын, нинди батырлыклар кылганын – без барысын да тотлыкмыйча сөйләп бирә ала идек. Бүген китапны яңадан бастыру аеруча да мөһим, чөнки яңа буында Бөек Ватан сугышы тарихы турында фрагментар күзаллаулар гына. Бу китап – автор үз күзләре белән күргән вакыйгаларның тере дәлиле, – дип ассызыклады Луиза Янсуар.
Яңа басманы “Татмедиа” АҖ филиалы “Идел-Пресс” полиграфиянәшрият комплексында бастырдылар. Китапның тиражы 500 данә тәшкил итә. Тиражның яртысын Беларуська җибәргәннәр, икенче өлеше Питрәч районына билгеләнгән. Аларны район башлыгы Рәис Сөләймановка тапшырдылар. Китаплар авылларыбызның мәктәпләренә һәм китапханәләренә таратылачак.
Следите за самым важным и интересным в Telegram-каналеТатмедиа
