Казанда хәрби югары уку йортларының күчмә комиссиясе эшли
Бу кемнәргә ярдәм итәчәк?
16 июньнән Казанда хәрби югары уку йортларының күчмә комиссиясе эшли. Бу кемнәргә ярдәм итәчәк? Безгә бу турыда Питрәч районы хәрби комиссары Владимир Гузич сөйләде.
.png)
– Владимир Михайлович хәрби уку йортларына укырга керү ничек бара?
– Элек нормативларны тапшыру һәм һөнәри сайлап алу өчен югары уку йорты урнашкан шәһәргә – Санкт-Петербург, Новосибирск яки Воронежга барырга кирәк иде. Хәзер барысы да “КАИ-Олимп” КСК базасында 11 июльгә кадәр узачак.
– Нинди һөнәрләр алырга мөмкин?
– Лейтенант-танкисттан хәрби юристка кадәр. Оборона министрлыгының 38 югары уку йорты ике юл тәкъдим итә: югары белем, бу 4 ел уку һәм офицер дәрәҗәсе һәм урта звено – техник-прапорщиклар. Укуны тәмамлаганнан соң хезмәт урынын билгелиләр, ягъни үзеңә эш эзләп йөрергә кирәк булмаячак.
– Кызлар укырга керә аламы?
– Әлбәттә! Алар өчен нормативлар җайлаштырылган, мәсәлән, турникта тартылу урынына – алга иелү, йөгерү аралыгы – 1 километр.
– Конкурска нинди өстәмә баллар алырга була?
– “Яшь армия”дә катнашкан өчен биш балл өстәлә, ГТОның алтын яки көмеш билгесе өчен өстәмә баллар бирелә. Шулай ук СВОда катнашучыларның балалары өчен дә ташламалар бар.
– Нинди документлар җыярга кирәк?
– Теркәлү урыны буенча хәрби комиссариатка гариза бирергә кирәк. Монда документлар исемлеген бирәчәкләр һәм таләпләр турында сөйләячәкләр. Рус теле, математика һәм физика буенча БДИ нәтиҗәләре кирәк булачак. Уку йортының профиленә карап, физиканы җәмгыять белеме, тарих, информатика, яки химия һәм биологиягә алыштыралар. Медицина комиссиясе ике этапта уза: район һәм республика хәрби комиссариатларында.
– “КАИ-Олимп” КСКда абитуриентларны нәрсә көтә?
– Монда психологта тест узачаклар, физик нормативлар тапшырылачак, әңгәмә булачак. Нәтиҗәләр сайланган югары уку йортына тапшырылачак. Кабул итү турында приказ 25 июльгә кадәр чыгачак.
Следите за самым важным и интересным в Telegram-каналеТатмедиа
