Китап – иң яхшы бүләк
Район башлыгы Рус Казысы авылындагы реабилитация үзәгендә булды һәм анда дәваланучыларга китаплар бүләк итте.
Уннан артык ел дәвамында Рус Казысы дигән кечкенә генә авылда үзенчәлекле гыйбадәтханә – Изге Кыз Мария чиркәве торгызыла. Биредә барлык эшләрне наркотикларга һәм алкогольгә бәйле кешеләр башкара. Алар үзләренең начар гадәтләрен хезмәт һәм дога белән бетерәләр. Бүген чиркәүдә 20 кеше реабилитация уза. Ел ахырына кадәр биредә аш бүлмәсен төзеп бетерергә һәм кунакханәнең беренче катын күтәрергә планлаштыралар. Әлеге дини җәмгыятьтә кунаклар еш булмый. Әмма монда аларның килүенә һәркем шат.
Район башлыгы Илһам Кашапов бу үзәккә икенче тапкыр килде. Аны үткән визиттан соңгы үзгәрешләр гаҗәпләндерде. Аңа беренче тапкыр биредә дәваланган кешеләрнең тормышы һәм көнкүреше турында сөйләделәр. Алар телевизор карамыйлар, смартфон кулланмыйлар, аларның бердәнбер шөгыле – китап уку. Бу юлы Илһам Миңнеханович реабилитация үзәгенә китаплар алып килде.
Следите за самым важным и интересным в Telegram-каналеТатмедиа
