Көектә балалар өлкәннәр өчен хәйрия концерты үткәрделәр

Халыкара өлкәннәр көне уңаеннан Яшьләр үзәгенең иҗат коллективлары, Ленино-Кокушкино авыл җирлеге депутаты Екатерина Александровна белән берлектә, Көек авылындагы пансионатында хәйрия концерты оештырдылар.

Балалар өлкәннәрне концерт программасы белән сөендерделәр: җырлар башкардылар, биеделәр, һәр номер алкышлар белән кабул ителде», - дип билгеләп үтте Яшьләр үзәге директоры Айгөл Гыйззәтуллина.

Ветераннар советы рәисе Эльгиза Магомедовна җыелганнарны бәйрәм белән котлады һәм нык сәламәтлек теләде.

Чара ахырында истәлекле бүләкләр тапшырылды.