Колай авылында ике урамда юл төзекләндерелде

Профсоюзная урамындагы 400 метр юлга ремонт ясаганнар, тигезләп өске катлам җәйгәннәр. Молодежная урамында 170 метрда шулай ук юлны ике катлы итеп асфальтлыйлар.

– Башта участокны фрезерладык, хәзер асфальт-бетон салабыз. Шулай ук кешеләр куркынычсызлыгы өчен юл билгеләре һәм ясалма юл тигезсезлекләре урнаштырылачак, – дип сөйләде участок башлыгы Салават Фәтхетдинов.

Мондый технология 100 квадрат метрдан да ким булмаган мәйданда капиталь ремонт таләп ителгән, элек булганнан бик нык аерылып торган юлны масштаблы рәвештә торгызуда актуаль.