Кощакта махсус хәрби операциядә катнашучылар өчен мичләр ясыйлар

Шулай ук Кощак авылында ун елга якын мунча мичләре ясау белән шөгыльләнәләр, аларны биш профессиональ эретеп ябыштыручы эшли. Мичләрнең 28 моделе бар, барысы да металлдан. 

Бер көн эчендә якынча 15 җайланма җитештерелә, ә җәен күбрәк. Цикл металлны кисүдән башлана, аннары эшләнмә детальләре киселә, станокларда җыю, эретеп ябыштыру. Махсус хәрби операция башланганнан бирле буржуйкалар ясыйлар: айга бер тапкыр 10 мичне бушлай җибәрәләр, башкаларын заказ буенча башка районнар өчен ясыйлар. Гомумән алганда, узган ел 350 мич тапшырылган.

Предприятие җитәкчесе Ленар Садриев блиндаж мичләренең ничек эшләве турында сөйләде. Аларның гадәти мичләрдән өстенлеге шунда, аларны дошман
күрми, ул төтен чыгармый, чөнки утын белән түгел, ә окоп шәмнәре белән яналар.

– Шәм яндырыла, мич төбендә махсус уелган урынга ике-өч банка куела. Секция бүлекләре җылылыкны регенерацияли һәм аны мич эчендә максималь саклый. Конвекция капкачы ярдәмендә салкын һава тиз җылытыла. Анда ризык әзерләргә, кием киптерергә, чәй кайнатырга була, – дип аңлатты Ленар Наилевич.