Кәвәл авыл җирлеге башкарма комитеты бинасында ремонт төгәлләнде

Питрәч районы Кәвәл авыл җирлегендә республика программасы буенча башкарма комитет бинасында капиталь ремонт тәмамланды.

Бинаны яңартуга 2,2 млн. сум бүлеп бирелгән иде. Капиталь ремонт эшләре башкарма комитет бинасына, керү төркеменә һәм дивар, түшәм, идәннәрне бизәү, инженерлык, электр челтәрләрен, шулай ук иске агач тәрәзәләрне алыштыруны үз эченә алды. 

Элек бу бина мәктәпнеке иде, аннары мәгариф оешмасы ябылды. Хәзер бер бинада башкарма комитет, почта, китапханә, милициянең терәк пункты һәм авыл клубы урнашкан.