КЫСКА ХӘБӘРЛӘР
ПИТРӘЧ ТАЛАНТЛАРЫ "Созвездие-Йолдызлык" фестиваленең зона этабында катнашачаклар.
23-24 мартта Питрәч районының яшь "йолдызчыклары" конкурсның сайлап алу турында катнашу өчен Лаеш авылына барачаклар. Лаеш сәхнәсендә 350 питрәчле - солистлар, конферансье, хореография коллективлары чыгыш ясаячак. Сайлап алуның беренче һәм икенче көнендә аларның чыгышларын фестиваль сайтында туры эфирдан карап булачак.
БҮГЕН "Вперед" район газетасының ун меңенче номеры дөнья күрде. 85 ел дәвамында район газетасы беркайчан да чыгудан туктамады, хәтта Бөек Ватан сугышы елларында да укучылары белән калды. Бу елларда газета битләрендә меңләгән вакыйга, берничә дистә мең кешеләр язмышы, аларның хезмәте һәм казанышлары язылды. Һәм бүген ул районыбыз тормышы көзгесе булып тора.
Питрәч икенче мәктәбендә "Тере классика" конкурсының муниципаль этабы үтте. Бу рус телендә проза әсәрләрен кычкырып уку буенча конкурс. Анда районның сигез мәктәбеннән 14 укучы катнашты. Конкурсның муниципаль этабында җиңүчеләр: Алинә Минһаҗева, (Ленино-Кокушкино мәктәбе), Роман Родионов (1 нче мәктәп), Эльвира Бадикова (1 нче мәктәп), Айгөл Әхмәтшина (2 нче мәктәп). Алар конкурсның региональ этабында район данын яклаячак, ул апрель башында үтәчәк.
РАЙОН ҮЗӘК КИТАПХАНӘСЕ 1 нче мәктәпнең 8 нче сыйныф укучылары өчен "Закон көчлеләр өчен, коррупция көчсезләр өчен" интеллектуаль уены үткәрде. Әлеге чараның төп максаты - укучыларга коррупциянең ни икәнен аңлату һәм аның барлыкка килү сәбәпләре белән таныштыру
ПИТРӘЧ РАЙОНЫ мәктәпләре укучылары 26 марттан язгы каникулга чыга һәм 2 апрельѓә кадәр ял итәчәк. Бу көннәрдә мәктәпләрдә балалар өчен интеллектуаль уеннар, викторина, олимпиадалар һәм уку семинарлары үтәчәк.
ПИТРӘЧ ИКЕНЧЕ МӘКТӘБЕНЕҢ татар теле һәм әдәбияты укытучысы Гөлназ Хөсәенова "Туган тел" Бөтенроссия татар теле һәм әдәбияты укытучыларының мастер-классларының йомгаклау этабына үтте. Конкурсның финал туры Казанда 26-28 мартта үтәчәк.
КАЗАН-ШӘМӘРДӘН юлында "Тоннель" оператив-профилактик чара үтте. Аның барышында 9 кагыйдә бозу очрагы ачыкланды. Болар: иминият таныклыгы, укып булмаслык номерлар, техкүзәтү, тонировка белән бәйле кагыйдә бозулар.
Следите за самым важным и интересным в Telegram-каналеТатмедиа
