Ленино-Кокушкино авылында яшәүче Солодковлар гаиләсе зөбәрҗәт туйларын билгеләп үттеләр

Нина Васильевна Алабуга медицина училищесын тәмамлаган. Чыгарылыштан соң аны Черемышево авылына җибәрәләр, анда ул булачак ире Анатолий Солодков белән очраша. Алар бер-берсен бик ошата.

Бик матур, белемле кыз, яхшы шәфкать туташы. Аны бик күп егетләр ошатып йөрде, ә менә мин аның күңелен  яулый алдым, - дип искә ала гаилә башлыгы.

Бер елдан алар өйләнешәләр. Яшь чакта без барыбыз да кызу, һәм амбициоз.  Әмма Солодковлар һәрвакыт тату яшәгәннәр, каршылыклар  килеп туганда бер-берсенә юл куярга тырышканнар. Барысын да гаиләдәге яхшы атмосфера хәл итә.  Гаилә башлыгы 48 ел кырда  эшли, шуның өчен «Татарстан Республикасының атказанган механизаторы» исеменә лаек булган. Нина Васильевна  башта 40 ел картлар йортында, аннары балалар бакчасында шәфкать туташы була. Әлбәттә инде, лаеклы ялда пенсионерларның яраткан шөгыле бакчачылык.  Бакчада яшелчә, җиләк-җимеш үстерәләр. Алар  карбыз, кавын һәм башка көньяк җиләк-җимеш культуралары үстерү буенча эксперимент үткәреп карый. Алар үсә, әмма зурлыгы буенча гадәттәгедән кечкенәрәк булалар. Су сибү һәм чүп утауда  балалары һәм оныклары булыша. Улы әти-әнисе белән Ленино-Кокушкинода, кызы Алабугада яши. Солодковлар янына еш кына 3 оныгы һәм оныкчыклары килә.

Мин әти-әнием белән горурланам. Алар безне җаваплы кеше итеп тәрбияләделәр, гаилә традицияләрен хөрмәт итәргә, якыннарыбызны яратырга һәм хөрмәт итәргә өйрәттеләр, - дип билгеләп үтте кызы Наталья Власова.

Бүләкләү тантанасы Гаилә, мәхәббәт һәм тугрылык көнендә узды. Юбилярларга медальне, грамотаны һәм истәлекле бүләкне район башлыгы Илһам Кашапов тапшырды. Ә ЗАГС бүлеге җитәкчесе Рәшидә Сәхәбиева алар өчен язылышу залында дулкынландыргыч сүзләр  җиткерде, бүләк һәм котлау хаты тапшырды.
Барлык катнашучылар да аларның бер-берсенә җылы мөнәсәбәтен күрә алдылар. Анатолий Викторович хатыныннан күзен дә алмады, хәтта бер  минутка да аны игътибарсыз калдырмады. Нина Васильевнаны җитәкләп, кочаклап кына йөртте.

Ул минем өчен дус кызым, яраткан  хатыным. Ул минем тормышым, - дип йомгак ясады Анатолий Викторович.