Ленино-Кокушкинода «көмеш волонтерлар» хәрби хезмәткәр белән очрашты

Ленино-Кокушкино авылында Яшьләр үзәгендә махсус хәрби операциядә катнашучы Илшат Г. белән очрашу узды. Ул «Көмеш волонтерлар» волонтерлар хәрәкәте вәкилләре белән очрашты. Кунак аларга хәрби операция зонасындагы көнкүреш турында сөйләде һәм маскировка челтәре өчен рәхмәт белдерде. «Көмеш волонтерлар» исә аңа батырлыгы, ныклыгы, чыдамлыгы һәм рух көче өчен рәхмәт әйтте, сәламәтлек, яхшы хезмәт, тизрәк өйгә кайтуны теләде.