Питрәч авылыннан мастер Феликс Ямщиков тарихы

Автоматлаштыру һәм конвейерлага өстенлек бирелгән заманда үз куллары белән чын сәнгать әсәрләре тудыручылар аеруча югары бәяләнә. Феликс Ямщиков – мичче, аның өчен мич ясау – һөнәр генә түгел, ә чын сәнгать. Аның эшләрен илнең төрле почмакларында, хәтта аннан читтә дә: Сочида, Мәскәүдә, СанктПетербургта, Кипрда очратырга мөмкин.

Заказлар географиясе үзе үк күп нәрсә турында сөйли: Феликсның эшләренә туган ягы Татарстаннан читтә дә ихтыяҗ зур. Ул хәтта танылган режиссер Никита Михалков өчен дә мич чыгарган. Биографиясендә мондый факт булу – горурлык өчен сәбәп кенә түгел, ә югары профессионал икәнлеген дә раслау.

Питрәчленең эш спектры шактый киң: классик голландкалардан алып даими эшли торган кирпеч-мунча мичләренә кадәр. Ул барбекю комплексларыннан алып тандырларга кадәр ясый. Һәр проект – ул индивидуаль якын килүне таләп итә торган аерым тарих. Останың үз сүзләренә караганда, дөрес эш һәрвакыт проектлаудан башлана. Һәр детальне уйлап, сызымнар өстендә ун көнләп тә утырган вакыталары була.

– Гадилек хәзер модада, – ди Феликс. Бурыч никадәр катлаулырак булса, эшләү шулкадәр кызыграк, – диде ул. Ул эскизлардан башлап соңгы штрихларга кадәр процесска тулысынча чума.

Ямщиков фәлсәфәсендә материал белән эшләү аерым урын алып тора. Әтисе аны балчыкны “тоярга” өйрәткән – составны сайлап алу гына түгел, ә аның үзлекләрен тоярга, кирәкле вариантны эзләргә өйрәткән. Феликс өчен бу төзелеш компоненты гына түгел, ә тере материал, аны тоярга кирәк. Ә оста үзенең төп коралы итеп гадәти уровеньны атый: чөнки мич эшендә төгәллек – матурлыкның гына түгел, ә конструкциянең куркынычсызлыгы һәм ныклыгының да нигезе.

Бүген Феликс Ямщиков Казан миччеләре бергәлегендә тора һәм төбәктәге хәлне яхшы белә: аның бәяләвенчә, Татарстанда 60ка якын мич ясаучы эшли. Һәм бу зур булмаган профессиональ даирәдә ул үзенең, аерым урынын алып тора.

– Бу рәссам кебек, һәр мичченең үз кулы, үз акценты бар, – үз һөнәренең асылын ул шулай тасвирлый.

Ажиотаж чоры тотрыклылык белән алышынса да, мичкә ихтыяҗ кимеми. Заказларның иң югары ноктасы май аена туры килә, аннары активлык җәй уртасына кадәр саклана һәм кар яуганчы дәвам итә, ә менә яңа елдан соң тынлык урнаша – ике айга якын заказлар агымы тукталып тора. Мастерның төп клиентлары – пенсионерлар һәм хәлле кешеләр: берәүләр матур традицияләрне, икенчеләре сыйфатны һәм индивидуаль дизайнны бәяли.

Ә Феликс клиентларының хискичерешләренә чын күңелдән шатлана.

– Миңа кешеләрнең нәтиҗәне күрүе, моның махсус алар өчен эшләнгәнлеген аңлау мизгелләре бик ошый, – дип билгеләп үтә ул.

Шул ук вакытта мич ясаучы хезмәтенең авыр булуы һәм зур сабырлык таләп итүе турында искәртеп узды. Ләкин нәкъ менә шушы сабырлыкта, җентекле эштә, материалны тоя белүдә чын осталык туа да инде.

Феликс Ямщиков тарихы – ул мичләр ясап кенә калмыйча, ә аларга үзенең бөтен күңел җылысын салучы кеше турындагы хикәя. Һәм мондый һәр мич җылылык чыганагына гына түгел, ә бүгенге көндә сирәгәя барган һәм шуңа күрә аеруча югары бәяләнә торган махсус һөнәрчелек рухын саклаучыга да әверелә.