Питрәч районы башлыгы апалы-сеңелнең яңа ел теләкләрен чынга ашырачак

Питрәч районы башлыгы Рәис Сөләйманов «Теләкләр чыршысы» масштаблы республика хәйрия акциясенә кушылды. Ул Яңа Шигали авылыннан апалы-сеңелнең хыялларын тормышка ашырачак.

Алты яшьлек Элина белән унөч яшьлек Лиана Кыш Бабайдан җылы кышкы комбинезон һәм караоке-система сораганнар. Хәзер аларның теләкләре чынга ашачак.

«Теләкләр чыршысы» акциясенә һәркем кушыла ала. Елкажеланий.рф сайтында анкета сайлап, балага бүләк ясарга мөмкин. Акциядә авыр тормыш хәлендә калган балалар, интернатта тәрбияләнүчеләр, сәламәтлек үзенчәлекләре булган балалар, шулай ук һәлак булган хәрбиләрнең балалары катнаша.