Питрәч районы башлыгы махсус хәрби операциядә катнашучыларга гуманитар ярдәм илтте
Барлыгы 20 тонна йөк тапшырылды.
Питрәч районыннан махсус хәрби операциядә катнашучыларга гуманитар ярдәм илттеләр. Гуманитар миссиядә район башлыгы Рәис Сөләйманов, шулай ук муниципаль берәмлекнең элеккеге башлыгы, хәзер Татарстанның Белоруссиядәге тулы вәкаләтле вәкиле Илһам Кашапов катнашты.
Хәрбиләргә иң кирәкле әйберләр, шул исәптән ике «Нива» машинасы алып килгәннәр иде. Районнан барлыгы 10 тонна гуманитар йөк, шулай ук 10 тонна исемле посылкалар тапшырылды.
«Гуманитар ярдәм җыюда бөтен Питрәч районы катнашты. Һәркемгә рәхмәт. Егетләр булдыра. Аларның сугышчан рухы зур тәэсир калдыра. Һәркайсы белән горурланабыз һәм барысының да җиңү белән әйләнеп кайтуларын көтәбез», - дип искәрттеләр район хакимиятендә.
Следите за самым важным и интересным в Telegram-каналеТатмедиа
