Питрәч районы Татарстанда туучылар саны буенча алда бара

Питрәч районы 2024 ел йомгаклары нигезендә күп күрсәткечләр буенча республикада иң яхшы унлыкка керә, әмма кулланырга кирәкле үсеш нокталары да бар.

«Питрәч районы 2024 елда республика үсешенә зур өлеш кертте. Ул күп кенә күрсәткечләр буенча иң яхшы муниципалитетлар унлыгына керә. Аерым алганда, сездә туучылар саны арта, ә бу мәсьәлә бөтен ил буенча кискен тора. Ә сез - Татарстан буенча беренче урында. Бу - һәркем өчен үрнәк. Җитештерүне һәрвакыт оештырырга мөмкин, әмма анда эстафетаны тапшырырлык яшь кешеләр юк икән, уңыш булмаячак», - дип билгеләп үтте парламент җитәкчесе.

Мөхәммәтшин җан башына туры килгән керемне (аның буенча муниципалитет республикада 29нчы урынны били) һәм дәүләт хезмәтләрен электрон рәвештә күрсәтүне (монда Питрәч районы - рейтинг ахырында) райондагы үсеш нокталары арасында аерып күрсәтте.

Әмма махсус хәрби операциягә ярдәм итү юнәлешендә муниципалитет алдынгылар рәтендә. Районда гомуми күләме 25 миллион сумнан артык тәшкил иткән гуманитар ярдәм җыелган, шулай ук төрле патриотик яшьләр оешмалары активистлары актив эшли, дип хәбәр итте район башлыгы Рәис Сөләйманов.

«Кощак авылыннан «Чиста йөрәк», Питрәч, Шәле һәм Пановка авылларыннан «Көмеш волонтерлар» волонтерлык хәрәкәтләрендә катнашучыларга ихлас рәхмәтемне белдерәсем килә. Сезнең фидакарьләрчә башкаларга ярдәм итәргә тырышуыгыз, игелегегез һәм ярдәм итәргә омтылуыгыз дөньяны яхшырта, хәрбиләребезгә махсус операциядә Җиңү яуларга булыша», - дип белдерде ул.

Узган ел авыл хуҗалыгына зур игътибар бирелгән. Производстволарга ярдәм күрсәтүгә 151 миллион сумнан артык акча юнәлдерелгән.

«Җиңүнең 80 еллыгына әзерлек кысаларында Бөек Ватан сугышы геройлары истәлеген саклауга юнәлдерелгән мөһим чаралар планлаштырылган. 34 һәйкәл һәм стеланы ремонтлау әлеге әзерлекнең төп аспектларының берсе булачак. Бу максатларга муниципаль бюджеттан 3,5 миллион сум бүлеп бирү ниятләнә, бу аларны тәртипкә китерергә мөмкинлек бирәчәк. 2025 ел дәвамында шулай ук Бөек Ватан сугышында һәлак булучылар истәлегенә 18 миллион сумлык 30 яңа стела төзеләчәк», – дип сүзен төгәлләде Сөләйманов.

Тулырак: https://tatar-inform.tatar/news/farit-moxammatsin-pitrac-raiony-tatarstanda-tuucylar-sany-buenca-alda-bara-5900943