Питрәч районында 8 йортка капиталь ремонт ясалачак

Питрәч һәм Теләче районының күпфатирлы йортларында капиталь ремонт проектын башкаруга 102,5 млн сум акча бүлеп биреләчәк. Тиешле тендер дәүләт сатып алулары сайтында урнаштырылган.

Питрәчтә – өч, Кощакта – ике, Колайда, Пановкада һәм Иске Шигалидә берәр йорт ремонтланачак.

Заказ бирүче – ТР Торак-коммуналь хуҗалыгы фонды, акчалар күпфатирлы йорттагы гомуми милекне капиталь ремонтлау фондыннан, шул исәптән Татарстан бюджетыннан да бүлеп биреләчәк.