Питрәч районында яшәүче Белоруссиядә фронтовик абыйсының каберен тапкан
Якын арада солдатны символик рәвештә яңадан күмү булачак
Фото: vk.com
Икенче Бөтендөнья сугышы тәмамланганнан соң 80 ел узгач, хәбәрсез югалган геройларны эзләү дәвам итә. Питрәч районы Ленино-Кокушкино авылында яшәүче Канәфи Зәйнуллин 1941 елда Беларуссия чигендә хәбәрсез югалган абыйсы Абдулгасның каберен күп еллар дәвамында эзләгән.
Озакка сузылган эзләүләрдә хәлиткеч адым Зәйнуллин Белоруссия Президенты Александр Лукашенкога хат белән мөрәҗәгать иткәннән соң ясалды. Җавап итеп, Питрәч районы хакимияте ярдәмендә кирәкле ярдәм күрсәтү йөкләмәсе алынды.
Уртак эш нәтиҗәсендә 17 яшендә үз теләге белән фронтка киткән кызылармеец Абдулгас Зәйнуллинның 47 нче укчы дивизиянең отделение командиры булуы һәм Белоруссиянең Ждановка авылында туганнар каберлегендә җирләнгәне ачыкланды.
Хәрбиләр күмелгән урыннан туфрак тутырылган капсула Татарстанның Белоруссиядәге вәкиле Илһам Кашапов ярдәме белән геройның туган иленә кайтарылды. Якын арада солдатны символик рәвештә яңадан күмү булачак, һәм ул туган җирендә, Салкын Чишмә авылында тынычлык табачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
