Питрәч районында су белән тәэмин итү челтәрләрен ремонтлаячаклар

Питрәч районында су чыгару, су белән тәэмин итү һәм җылылык белән тәэмин итү челтәрләрен һәм объектларын ремонтлау буенча 15 млн сумлык эшләр планлаштырылган.

Проект документациясе буенча, подрядчы алты канализация-насос станциясен һәм Питрәч, Кощак авылларында ике чистарту корылмасын яңартырга тиеш. Моннан тыш, 30 авылда коеларда, су күтәрү манараларында һәм су җыю урыннарында эшләр башкару планлаштырылган.  Шулай ук тендер кысаларында җылылык трассаларының биш участогы алыштырылачак.