Питрәч районында террорчылык куркынычы буенча өйрәнү штаб тренировкасы узды

Чара террорчылыкка каршы комиссиянең чираттан тыш уртак утырышыннан башланды, анда район башлыгы – террорчылыкка каршы комиссия рәисе Рәис Сөләйманов (шартлы рәвештә) террорчылык куркынычының югары (“сары”) дәрәҗәсен билгеләү турында игълан итте. Функциональ төркемнәр җитәкчеләре оператив төркемгә бүлеп бирелгән көчләр һәм чаралар турында җавап тотты.

Эш планы нигезендә, районның барлык хезмәтләре югары әзерлек хәленә китерелде.

Өйрәнүләрнең практик өлеше Кощак мәктәбе базасында җәелдерелде. План буенча шартлы куркынычның үзәге нәкъ менә бу уку йортында. Педагогик состав һәм укучылар инструкцияләр нигезендә бинадан оператив рәвештә чыгып киттеләр, ә хезмәтләр куркыныч янаганда халыкны яклау алгоритмнарын эшләделәр. Өйрәнүләр нәтиҗәләре буенча комиссия катнашучыларның гамәлләрен “яхшы” дип бәяләде, регламентларның төгәл үтәлешен һәм координациянең югары дәрәҗәсен билгеләп үтте.

– Мондый күнегүләр – формальлек кенә түгел. Алар җитешсез якларны ачыкларга һәм чынлыкта килеп туган хәлдә тормышны саклап калырга мөмкинлек бирә. Без көндәлек режимда катлаулы заман таләпләренә җавап бирергә әзер булырга тиеш, – дип ассызыклады район террорчылыкка каршы көрәш комиссиясе секретаре Валентина Урысова.