Питрәч районында вакытлыча газ бирү туктатылып торачак

Питрәч районында газ бирү вакытлыча туктатылып торачак.

Ремонт эшләре 12 августта 9дан 17 сәгатькә кадәр «Царево» торак комплексында, 13 августта шул ук сәгатьләрдә – ТатЦИК, ә 14 августта Кощак авылларында башкарылачак.

Иң зур эшләр 21 августка планлаштырылган – 9дан 21 сәгатькә кадәр берьюлы 13 торак пункт газсыз калачак: Татар Казысы, Талкыш, Янсуар, Кызыл Яшьләр, Әлбәден, Иске Йорт, Чыты, Көлкәмәр, Керәшен Сәрдәсе, Екатериновка, Нептун, Югары Дәүләзәр һәм Урта Дәүләзәр.  

Эшләр вакытында газ приборларыннан файдалану катгый тыела. Бинада газ исе сизелсә, 8 (843) 221-83-53 телефоны буенча кичекмәстән хәбәр итәргә кирәк.