Питрәч районыннан күп балалы гаилә торак сертификаты алды
Бу хакта районның матбугат хезмәте хәбәр итә
Район хакимиятендә күп балалы Вәлиевлар гаиләсенә торак сертификаты тапшыру тантанасы булды. Ярдәм чарасы Татарстан Республикасы Яшьләр министрлыгы ярдәмендә гамәлгә ашырыла торган «Яшь гаиләләрне торак белән тәэмин итү» дәүләт программасы кысаларында күрсәтелде.
Айгөл белән Рәсүл Вәлиевлар өч ул үстерәләр: Мансур – мәктәп укучысы, Имран белән Каюм – балалар бакчасында тәрбияләнүче. Хәзерге вакытта гаилә әти-әниләре белән яши һәм сертификат акчаларын үз йортын төзеп бетерүгә юнәлтергә планлаштыра.
Программа тормыш юлын башлап җибәрүче яшь гаиләләр өчен уңайлы шартлар тудыруга юнәлдерелгән. Сертификат тапшырганда хакимият вәкилләре Вәлиевларга яңа йортларының яктылык, иминлек һәм иртәгесе көнгә ышаныч белән тулып торуын теләделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
