Питрәч халкын һәм кунакларын Май чабу бәйрәменә чакыралар
Оештыручылар бай эчтәлекле программа әзерләделәр.
Фото: © Люция Сираҗиева / «Питрәч-информ»
Бу якшәмбедә, 22 февральдә, Питрәч авылында традицион Май чабу бәйрәмнәре узачак. Бәйрәм 11 сәгатьтә наратлыкта башлана.
Оештыручылар бай эчтәлекле программа әзерләделәр. Кунакларны җирле артистлар чыгышы көтә. Балалар һәм өлкәннәр өчен кызыклы конкурслар, шулай ук традицион спорт ярышлары үтәчәк.
Бәйрәмнең кульминациясе — кышны озату һәм язны каршы алу символы – карачкы яндыру булачак.
Бәйрәм дәвамында кайнар коймак, хуш исле чәй һәм башка традицион тәм-томнар белән ярминкә рәтләре эшләячәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
