Питрәчле алимент буенча бурычлар өчен җинаять җаваплылыгыннан азат ителгән
Эшне туктату өчен нигез булып гаепләнүченең зыян күрүче як белән татулашуы тора.
Питрәч район суды балигъ булмаган кызын карау өчен алимент түләмәүдә гаепләнүче җирле кешегә карата җинаять эшен туктатты. Моңа гаепләнүченең зыян күрүче як белән татулашуы нигез булып торды.
Элегрәк 2024 елда чыгарылган суд карары буенча, ир-ат баланы карауга ай саен 15 000 сум күчерергә тиеш була. Әмма, эшкә сәләтле булып та, ул бу йөкләмәләрне үтәмәгән, бу аңа карата җинаять эше кузгатуга китергән.
Суд утырышында кызның законлы вәкиле эшне туктату турында үтенеч белән мөрәҗәгать иткән, чөнки әтисе алимент буенча барлыкка килгән бурычны тулысынча каплаган. Зыян күргән якның аңа карата дәгъвалары юк, һәм яклар татулашуга ирештеләр.
Бу үтенечне канәгатьләндереп, суд җинаять эшен туктатты, ир-атны җинаять җаваплылыгыннан азат итте. Суд карары әлегә законлы көченә кермәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
