Питрәчле Ленин мәдәният йортында хәрби экспозиция тәкъдим итте

Казанның Ленин исемендәге мәдәният йортында СВОда катнашучыларга ярдәм йөзеннән хәйрия күргәзмәсе һәм концерт булды, анда Чытыдан Миңнур Шәмсетдиновның мобиль музее катнашты.

Чара мәдәни программаны патриотик экспозиция белән берләштерде: кунаклар алдында Татарстан Республикасының атказанган артистлары, иҗади конкурслар һәм фестивальләр лауреатлары чыгыш ясады, параллель рәвештә тематик мастер-класслар үткәрелде.

Килүчеләрнең игътибарын мобиль музей күргәзмәсе җәлеп итте, анда СВО зонасында сугышчыларның тормышын чагылдырган экспонатлар, шулай ук гражданнар, Бөек Ватан, Әфган һәм Чечен сугышлары чорының уникаль тарихи артефактлары тәкъдим ителде.