Питрәчле законсыз бакчаларга зарланды

Хөрмәтле редакция!

Сезнең игътибарыгызны авылыбызның кайбер гражданнарының комсызлыгына, үз-үзләрен генә яратуына юнәлтәсем килә. Эш шунда, район хакимиятенең элеккеге башлыгы

И.Кашапов авылыбызны матурайту өчен игелекле эш башкарды – торак-коммуналь хуҗалык хезмәтләренә күпфатирлы йортлар янындагы барлык “яшелчә бакчаларын” бетерергә дигән күрсәтмә бирде. Барлык чүп-чарны, иске киртәләрне чистарттылар һәм барлык мәйданчыкларга газон үләне чәчтеләр.

Кыйммәтле яшел келәм кебек матур булып үлән үсеп чыкты! Әмма җитәкчелекне санга сукмаучылар да бар һәм шәхси максатлары өчен бу җирләрне казыдылар – сарымсак, суган, кыяр һәм башка яшелчәләрен утырталар. Төрле мичкәләр, шешәләр, такталар һәм башка кирәк-яракларны шунда куялар. Бу бигрәк тә Мишанин урамындагы 1 нче һәм 5 нче йортлар янында.

Ни өчен бу кешеләр район хакимияте, башкарма комитет җитәкчелеге карарларын боза? Ни өчен ландшафтны бозалар? Кем аларга җитәкчелек тарафыннан билгеләнгән кагыйдәләргә буйсынмаска хокук биргән? Әгәр җирдә эшләргә телиләр икән – дача участоклары бар, сатып алсыннар һәм эшләсеннәр. Ә чәчәкләр утыртучылар өчен һәйкәл, часовня бар, анда бик күп чәчәк атучы үсентеләр утыртырга мөмкин. Бу яхшы булачак.

Хөрмәт белән Бабушкина.

Редакция хатны районның төзелеш, архитектура һәм торак-коммуналь хуҗалык бүлегенә һәм административ-техник комиссиясенә юллады.