Питрәчлеләр «Бер минут тынлык» бөтенроссия акциясенә кушыла ала
Бу көнне Татарстан Республикасы шулай ук бөтенроссия акциясенә кушылачак.
22 июньдә, Хәтер һәм кайгы көнендә, 12:15 сәгатьтә бөтен Россиядә Бөек Ватан сугышында һәлак булган 27 миллион кешенең истәлегенә «Бер минут тынлык» бөтенроссия акциясе узачак.
Акциянең вакыты очраклы гына сайланмаган — 1941 елның 22 июнендә нәкъ менә 12:15 сәгатьтә эфирга Советлар Союзы гражданнарына нацистлар Германиясе һөҗүм итү турында мөрәҗәгать чыккан.
Республика халкын бөтенроссия акциясенә кушылырга чакыралар. Аның кысаларында теле- һәм радиотапшырулар, җәмәгать транспорты, автомобильләр һәм предприятиеләрдә җитештерү процессы һәлак булганнарның истәлегенә хөрмәт белдереп бер минутка тукталып торачак.
Следите за самым важным и интересным в Telegram-каналеТатмедиа
