Питрәчлеләр «Милләт Җыены» форумында катнашалар
Ул Бөтендөнья татар конгрессы тарафыннан оештырылган
Җәмәгать эшлеклесе, Чыты мәдәният йорты директоры Миңнур Шәмсетдинов һәм Питрәч икенче мәктәбе директоры урынбасары Лилия Гатиатуллина «Милли Җыен» форумында катнашалар. Анда районыбыз вәкиле легендар якташыбыз, Советлар Союзы Герое Петр Гаврилов истәлеген саклауга багышланган доклад белән чыгыш ясый.
«Милләт Җыены» – Бөтендөнья татар конгрессы оештырган масштаблы форум. Ул милләт үсеше турында фикер алышуга багышланган һәм «Ак калфак» татар хатын-кызлары форумын, татар яшьләрен һәм туган якны өйрәнүчеләр җыелышын берләштереп, яңа форматта уздырыла.
Бу чарага дөньяның төрле илләреннән татар халкының 1000гә якын күренекле вәкиле җыелырга тиеш. Аның программасына тантаналы ачылыш, «Печән базары» фестивале, ТР районнарына күчмә сессияләр һәм йомгаклау утырышы кертелгән. Форумның икенче көне кысаларында катнашучылар Биектау районында булдылар, анда традиция буенча аларны кунакчыллык һәм татар халкының гастрономия мәдәниятенең иң танылган символы булган чәк-чәк белән каршы алдылар.
Следите за самым важным и интересным в Telegram-каналеТатмедиа
