Питрәчлеләр район газетасына ташламалы бәядән языла ала

2025 елның икенче яртыеллыгына “Вперед”-“Алга” район газеталарына язылу кампаниясе башланды. 2 апрельдән 12 апрельгә кадәр “Әбүнәче ункөнлеге” узачак, бу безнең сезгә отышлы тәкъдимебез.

Бу ун көндә районның “Вперед”- “Алга” газеталарына ярты елга 940 сум 20 тиен урынына 828 сум 60 тиеннән языла алачаксыз. Газетаны почта бүлекчәләре аша яисә ТР Дәүләт хезмәтләре сайтында, мобиль кушымтада яисә Россия Почтасы сайтында, шулай ук Питрәч авылы, Советская урамы, 34 нче йорт адресы буенча редакциядә рәсмиләштерергә мөмкин.

Сезнең газеталарга тагын да арзанрак бәядән язылу мөмкинлегегез бар – алты айга 600 сумнан. Бу очракта сезгә аны үзегезгә редакциядән алырга кирәк булачак. Әгәр сез Питрәч, Ленино-Кокушкино, “Царево”, Колай, Кощак торак комплексларында яшисез, эшлисез һәм газетага хезмәттәшләрегез белән бергә языласыз икән, без газетаның һәр яңа санын эш урыннарыгызга китереп бирәбез.

Бер генә язылу кампаниясе дә бүләкләрсез узмый, һәм бу юлы да искәрмә булмаячак, шуңа күрә үз квитанцияләрегезне саклагыз, аннары безгә җибәрегез.

88436730486, 30482 телефоннары буенча барлык кызыксындырган сорауларга тулы җавап ала аласыз. Безнең белән калыгыз!