Питрәчнең икенче мәктәбендә 2000 иске батарея җыйганнар

Питрәч районы Татарстанның гомуми белем бирү оешмаларында эшкәртелгән ток чыганакларын җыю буенча республика акциясендә катнаша. Безнең районда җыю пункты итеп икенче мәктәп сайланды.

- Акциядә укучылар катнаша. Балалар актив катнашалар. 400әр батарея алып килүчеләр бар. 3 көн эчендә без якынча 2000 батарея җыйдык, - дип сөйләде география һәм биология укытучысы Елена Киселева.

Файдаланылган батарейкаларны җыю районның барлык мәктәпләрендә дә оештырылган.

Батарейкаларны эшкәртү табигатьне сакларга һәм авыр металлның зарарларын киметергә ярдәм итә.